ஹெல்மெட் அணியாததால் ஓரங்கட்ட சொன்ன போலீஸிடம் போனை பறித்த வாலிபர் - மதுரை சம்பவம்... பரபரப்பு காட்சிகள்

மதுரையில், தலைக்கவசம் அணியாமல் வந்ததால் இருசக்கர வாகனத்தை தடுத்து, வீடியோ பதிவு செய்த போலீசாரிடம் செல்போனை பறித்த இளைஞர் கைது செய்யப்பட்டார். தல்லாகுளம் பகுதியில் வாகன தணிக்கையில் ஈடுபட்ட போலீசார், தலைக்கவசம் அணியாமல் வந்த இளைஞரை தடுத்து நிறுத்தினர். இதனால் ஆத்திரமடைந்த இளைஞர், போலீசாரிடம் வாக்குவாதத்தில் ஈடுபட்டு, செல்போனை பறித்ததாக தெரிகிறது. இதையடுத்து யானைக்கல் பகுதியை சேர்ந்த வசந்த் என்ற அந்த இளைஞரை போலீசார் கைது செய்தனர்.