மாமியார் வீட்டிற்கு சென்ற கணவன் மீது கொதிக்கும் எண்ணெய்யை ஊற்றிய மனைவி - நெல்லையில் அதிர்ச்சி

நெல்லை அருகே குடும்ப தகராறில் கணவன் மீது மனைவி கொதிக்கும் எண்ணெய்யை ஊற்றிய சம்பவம் அதிர்ச்சியை ஏற்படுத்தியுள்ளது. நெல்லை மாவட்டம் தெற்கு வீரவநல்லூர் பகுதியை சேர்ந்த மாதவன், குடிபோதையில் தனது மனைவியிடம் தகராறு செய்து வந்ததாக கூறப்படுகிறது. இதனால் அவரது மனைவி அய்யம்மாள் தனது தாய் வீட்டில் வசித்து வந்துள்ளார். இந்தநிலையில் மாமியார் வீட்டிற்கு சென்று தகராறு செய்த மாதவன், அங்கேயே தூங்கியுள்ளார். ஆத்திரமடைந்த அய்யம்மாள் மாதவன் மீது கொதிக்கும் எண்ணெயை ஊற்றவே, படுகாயமடைந்த அவர் மருத்துவமனையில் அனுமதிக்கப்பட்டுள்ளார். இந்த சம்பவம் தொடர்பாக போலீசார் விசாரணை நடத்தி வருகின்றனர்.