டெல்லி அணியில் ரிஷப் பண்ட் இல்லாதது, சவாலாக அமைந்துள்ளது என அந்த அணியின் துணைப் பயிற்சியாளர் ஷேன் வாட்சன் கூறி உள்ளார். சென்னையில் செய்தியாளர்களிடம் பேசிய அவர், டெல்லி அணியில் சரியான ஒருங்கிணைப்பு இல்லாததே, அடுத்தடுத்து தோல்வியை சந்திக்க காரணம் என்றும் ரிஷப் பண்ட் இல்லாதது டெல்லி அணிக்கு பின்னடைவாக அமைந்ததாகவும் தெரிவித்தார். மேலும், சென்னை அணியில் தோனி ஒரு சூப்பர் பவர் என புகழாரம் சூட்டிய ஷேன் வாட்சன், தோனியின் கணக்கிடும் திறனும், அனுபவமும் அபாரமானது என்றார்..