"குழந்தை பேறு இல்லாத பெண்களுக்கு குழந்தை பேறு கிடைக்கும்" - அதிசய "சிம்ம குளம்"

வேலூர் மாவட்டம் விரிஞ்சிபுரம் மார்க்கபந்தீஸ்வரர் கோயிலில் கார்த்திகை கடை ஞாயிறு விழாவை முன்னிட்டு நள்ளிரவு சிம்மகுளம் சிறப்பு பூஜைகள் செய்யப்பட்டு திறக்கப்பட்டது. கார்த்திகை கடைசி ஞாயிறு நள்ளிரவு 12 மணிக்கு இந்த தீர்த்தக் குளத்தில் குளித்தால், குழந்தை பேறு இல்லாத பெண்களுக்கு குழந்தை பேறு கிடைக்கும் என்பதும், தீவினைகள் அகலும் என்பதும் நம்பிக்கை. இந்த வகையில், நூற்றுக்கணக்கான பெண்கள் நீண்ட வரிசையில் காத்திருந்து சிம்ம குளத்தில் புனித நீராடி கோபுர வாசலில் இறைவனை நோக்கி குழந்தை வரம் வேண்டினர். ஆயிரக்கணக்கான பக்தர்கள் சாமி தரிசனம் செய்த நிலையில், இவ்விழாவில் எம் எல் ஏ நந்தகுமார் உள்ளிட்ட முக்கிய பிரமுகர்களும் பங்கேற்றனர்.