"வேகத்தால் வந்த சோகம்"..காவல் துறை வாகனம் மோதி இருவர் உயிரிழப்பு..தென்காசி அருகே பயங்கரம்

தென்காசி மாவட்ட காவல் கண்காணிப்பாளர் சாம்சன் தென்காசியில் இருந்து கடையம் நோக்கி சென்று கொண்டிருந்தார். அவரது வாகனத்திற்கு பின்பு விரைவுப்படை வாகனம் வேகமாக சென்று கொண்டிருந்தது. அப்போது கண்டமங்கலம் விலக்கு பகுதியில் சென்ற இருசக்கர வாகனம் விரைவுப்படை வாகனம் மோதியது. இந்த விபத்தில் இருசக்கர வாகனத்தில் சென்ற ஆறுமுகசாமி என்பவர் சம்பவ இடத்திலேயே உயிரிழந்தார். படுகாயமடைந்த வினு என்பவர் பாளையங்கோட்டை அரசு மருத்துவமனையில் சிகிச்சை பலனின்றி உயிரிழந்தார். இந்த சம்பவம் குறித்து குற்றாலம் போலீசார் வழக்கு பதிவு செய்து விசாரணை நடத்தி வருகின்றனர்.