மின்னல் வேகத்தில் மோதிய கார்.. கை, கழுத்தில் விழுந்த வெட்டு - பிரபல ரவுடிக்கு நேர்ந்த பயங்கரம்
- திருவாரூர் அருகே, பிரபல ரவுடி வெட்டிப் படுகொலை செய்யப்பட்ட சம்பவத்தில், 3 தனிப்படைகளை அமைத்து கொலையாளிகளை போலீசார் தீவிரமாக தேடி வருகின்றனர்.
- நீடாமங்கலம் அருகே பூவனூர் பகுதியை சேர்ந்த ராஜ்குமார் என்பவர் மீது, பல்வேறு கொலை உள்ளிட்ட குற்ற வழக்குகள் நிலுவையில் உள்ளன.
- திருவாரூர் மாவட்ட ஒருங்கிணைந்த நீதிமன்றத்தில், வழக்கு ஒன்றில் ஆஜராவதற்காக, ராஜ்குமார், தனது வழக்கறிஞர் உட்பட 5 பேருடன் வந்துள்ளார்.
- பின்னர் 5 பேரும் காரில் வீடு திரும்பியுள்ளனர்.
- கமலாபுரம் அருகே வந்தபோது, இவர்கள் கார் மீது, அதிவேகமாக வந்த கார் மோதியது. பின்னர் அந்தக் காரில் இருந்து ஆயுதங்களுடன் இறங்கிய கும்பல், கழுத்து, கை உள்ளிட்ட பல்வேறு இடங்களில் ராஜ்குமாரை சரமாரியாக வெட்டியதில், சம்பவ இடத்திலேயே உயிரிழந்தார்
- . தகவல் அறிந்து வந்த போலீசார், உடலைக் கைப்பற்றி பிரேத பரிசோதனைக்கு அனுப்பி வைத்தனர்.
- இந்த வழக்கில், 3 தனிப்படைகள் அமைக்கப்பட்டு, தப்பியோடிய கும்பலை போலீசார் தேடி வருகின்றனர்.
- மேலும், முன்விரோதம் காரணமாக கொலை நடந்ததா? என்ற கோணத்திலும் போலீசார் விசாரணை நடத்தி வருகின்றனர்.
- இதனிடையே, ரவுடி கொலை செய்யப்பட்ட சம்பவம் எதிரொலியாக, குற்றவாளிகளை கைது செய்ய வலியுறுத்தி, விளமல் கடைவீதியில் சாலை மறியல் நடைபெற்றது.