கத்தியை காட்டி மிரட்டிய கொள்ளையன்.. கத்திரிக்கோலை காட்டி அலற விட்ட பெண் ஊழியர்.. பரபரப்பு காட்சி

ராஜஸ்தானில் வங்கியில் கத்தி முனையில் கொள்ளையடிக்க முயன்ற கொள்ளையனை பெண் வங்கி மேலாளர் கத்திரிக்கோல் காட்டி விரட்டியடித்துள்ளார்.

ஸ்ரீ கங்கா நகர் மாவட்டத்தில் உள்ள மதுரா கிராமின் வங்கிக்குள் புகுந்த முகமூடி அணிந்து வந்த நபர், கத்தியால் மிரட்டியதால் பலரும் செய்வதறியாது திகைத்து நின்றனர்.

அப்போது தனது அறையில் இருந்து வந்த பெண் வங்கி மேலாளர் பூணம் குப்தா, மேஜையில் இருந்த கத்திரிக்கோலை கொண்டு, கொள்ளையனுடன் சண்டையிட்டார்.

அவரின் இந்த துணிச்சலால் தைரியமடைந்த மற்ற ஊழியர்கள், கொள்ளையனை விரட்டி பிடித்து, காவல்துறையினரிடம் ஒப்படைத்தனர்.