தீப்பற்றி எறிந்த சிலிண்டர்.. தீயணைப்பு வீரர்கள் வீட்டிற்குள் நுழையும்போது வெடித்து சிதறிய சிலிண்டர்!

கேரள மாநிலம் இடுக்கி அருகே புதிதாக வாங்கப்பட்ட சிலிண்டர் வெடித்துச் சிதறியதால் பரபரப்பு ஏற்பட்டது. கட்டப்பனா பகுதியைச் சேர்ந்த ஷாஜி, புதிதாக வாங்கிய சிலிண்டரை இணைத்து அடுப்பை பற்ற வைத்துள்ளார். அப்போது, திடீரென தீ பற்றியதால் தீயணைப்புத் துறையினருக்கு அவர் தகவல் தெரிவித்துள்ளார். உடனடியாக அங்கு வந்த தீயணைப்புத் துறை வீரர்கள், வீட்டிற்குள் நுழைய முயன்றபோது, சிலிண்டர் பலத்த சத்தத்துடன் வெடித்துச் சிதறியது. இதில் சமையலறை முற்றிலும் சேதமடைந்தது. தீயை அணைக்க வந்த தீயணைப்பு வீரர்கள் அதிர்ஷ்டவசமாக உயிர் தப்பிய நிலையில், இது தொடர்பாக போலீசார் விசாரணை மேற்கொண்டு வருகின்றனர்.