"கலை-ஆன்மீகம் ஆகியவற்றின் தலைநகரம் தமிழகம்" .....ஆளுநர் ஆர்.என் ரவி புகழாரம்

தமிழகம் கலை மற்றும் ஆன்மீகம் ஆகியவற்றின் தலைநகரம் என ஆளுநர் ஆர்.என்.ரவி புகழாரம் சூட்டியுள்ளார்.

சென்னை கீழ்ப்பாக்கத்தில் உள்ள பள்ளியில் வடகிழக்கு மாநில கலைஞர்களின் கலை நிகழ்ச்சி மற்றும் கைவினைப் பொருட்காட்சியை ஆளுநர் ஆர்.என்.ரவி தொடங்கி வைத்தார். அசாம், மேகாலயா, மிசோரம், நாகலாந்து, சிக்கிம், திரிபுரா, மணிப்பூர் அருணாச்சல் பிரதேசம் உள்ளிட்ட மாநிலங்களை, சேர்ந்த கிராமிய கலைஞர்களின் கலை விழா மற்றும் கைவினை பொருட்காட்சி 6 ஆம் தேதி வரை நடைபெறுகிறது. இந்த விழாவில், பேசிய ஆளுநர் ஆர்.என்.ரவி, தமிழகம் கலை மற்றும் ஆன்மீகம் ஆகியவற்றின் தலைநகரம் என்றும் இந்தியாவின் அழகு என்பது வேற்றுமையில் ஒருமைப்பாடு காண்பது தான் எனக் கூறினார். முன்னதாக நிகழ்ச்சியில் பல்வேறு கலைநிகழ்ச்சிகள் நடைபெற்றது.