மகாராஷ்டிராவில் ஓடும் ரயிலில் திடீரென தீப்பற்றி எரிந்ததால் பரபரப்பு ஏற்பட்டது. மகாராஷ்டிரா மாநிலம் நாசிக் அருகே சென்றுகொண்டிருந்த, ஷாலிமார் எல்டிடி எக்ஸ்பிரஸ் ரயிலின் லக்கேஜ் கம்பார்ட்மென்டில் திடீரென தீப்பற்றி எரிந்தது. இதனையடுத்து தீப்பற்றிய லக்கேஜ் கம்பார்ட்மென்ட் பகுதி ரயிலில் இருந்து விடுவிக்கப்பட்டது. இந்த விபத்தில் பயணிகளின் உடைமைகளுக்கு எவ்வித சேதாரமும் ஏற்படாத நிலையில், தீ விபத்துக்கான காரணம் குறித்து தீவிர விசாரணை நடைபெற்று வருகிறது.