மாடுகளை குறிவைக்கும் தெரு நாய்கள்.. அடுத்தடுத்து இறந்த கன்றுக்குட்டிகள் - செங்கல்பட்டில் அதிர்ச்சி

செங்கல்பட்டு அருகே தெருநாய் கூட்டம் கால்நடைகளை தாக்கும் காட்சிகள் சிசிடிவியில் பதிவாகியுள்ளது. செங்கல்பட்டு மாவட்டம், தென்மேல்பாக்கம் பகுதியைச் சேர்ந்தவர் பிரகாஷ். இவர் தனது வீட்டில் 10-க்கும் மேற்பட்ட மாடுகளை வளர்த்து வருகிறார். கடந்த 2 நாள்களுக்கு முன்பு இவரது வீட்டில் மூன்று கன்றுக் குட்டிகள் பலத்த காயங்களுடன் மர்மமான முறையில் உயிரிழந்து கிடந்தன. இதைத் தொடர்ந்து, சம்பவ இடத்தில் வனத்துறை அதிகாரிகள் கண்காணிப்பு கேமாராக்கள் பொருத்தினர். பின்னர், ஆய்வு மேற்கொண்டதில் தெருநாய்கள் கூட்டமாக வந்து மாடுகளை தாக்குவது தெரிய வந்தது. எனவே, தெருநாய்களை பிடித்துச் செல்லுமாறு கோரிக்கை விடுக்கப்பட்டுள்ளது.