பத்மஸ்ரீ டாக்டர் பா.சிவந்தி ஆதித்தனாரின் புதுப்பிக்கப்பட்ட சதுக்கம் - இன்று திறப்பு

பத்மஸ்ரீ டாக்டர் பா.சிவந்தி ஆதித்தனாரின் புதுப்பிக்கப்பட்ட சதுக்கம் திறப்பு விழா, தாராவியில் இன்று மாலை நடைபெற உள்ளது. பல்துறை வித்தகரான சிவந்தி ஆதித்தனாரின் நினைவைப் போற்றும் வகையில் மும்பையில் உள்ள தாராவி சயான் - பாந்திரா இணைப்பு சாலையில் கடந்த 2015ம் ஆண்டு சதுக்கம் திறக்கப்பட்டது. இப்போது அந்த சதுக்கம் புதுப்பிக்கப்பட்டுள்ளது. புதுப்பிக்கப்பட்ட சதுக்கத்தை தாராவி எம்.எல்.ஏ. வர்ஷா கெய்க்வாட் திறந்து வைக்கவுள்ளார். தொடர்ந்து, அங்குள்ள காமராஜர் பள்ளியில் நடைபெறும் விழாவிற்கு, திருநெல்வேலி தெட்சணமாற நாடார் சங்கத் தலைவர் காளிதாசன் தலைமை தாங்குகிறார். தமிழ்நாடு டாக்டர் சிவந்தி ஆதித்தனார் நற்பணி மன்றத் தலைவர் சபேஷன் ஆதித்தன், தெட்சணமாற நாடார் சங்க செயலாளர் ராஜ்குமார் உள்ளிட்டோர் முன்னிலை வகிக்கின்றனர்.