சாப்பிட்ட உணவுக்கு காசு கேட்டதால் ஆத்திரம்...ஹோட்டலை அடித்து நொறுக்கிய இளைஞர்கள்...அதிர்ச்சி காட்சி

ஓமலூர் அருகே காமலாபுரம் பகுதியில் உணவகம் நடத்தி வருபவர் ராமகிருஷ்ணன். இவரது உணவகத்திற்கு வந்த 3 இளைஞர்கள் சாப்பிட்ட உணவுக்கு பணம் கொடுக்க மறுத்ததாக கூறப்படுகிறது. இதனால், கடை ஊழியர் நல்லதம்பிக்கும், இளைஞர்களுக்கும் இடையே தகராறு ஏற்பட்டுள்ளது. இதில், கடை ஊழியரை தாக்கிய இளைஞர்கள், கடையில் இருந்த பொருட்களை சேதப்படுத்திய சம்பவம் பரபரப்பை ஏற்படுத்தியது. இது தொடர்பான சிசிடிவிகாட்சிகளும் வெளியாகி இணையத்தில் பரவி வருகிறது.

இந்த சம்பவம் குறித்து கடை உரிமையாளர் அளித்த புகாரின் அடிப்படையில், போலீசார் விசாரணை நடத்தி வந்தனர். விசாரணையில் அருகில் உள்ள ஏனாதி பகுதியை சேர்ந்த செல்வம், விஜய் மற்றும் கௌதம் ஆகியோர் சம்பவத்தில் ஈடுபட்டது தெரியவந்துள்ளது. இந்நிலையில், மூவரையும் தேடி வந்த போலீசார், கெளதம் என்பவரை கைது செய்து சிறையில் அடைத்தனர்.