திமுக எம்.எல்.ஏ வின் நிகழ்ச்சியில் பெட்ரோல் குண்டு வீச்சு.. வலைவீசி தேடும் போலீசார்...DMK| CUDDALORE

 க டலூர் அருகே தி.மு.க. எம்.எல்.ஏ. பங்கேற்ற நிகழ்ச்சியில் பெட்ரோல் குண்டு வீசப்பட்ட சம்பவம் தொடர்பாக, 2 பேரிடம் போலீசார் விசாரணை நடத்தி வருகின்றனர்.கடலூர் அருகே நல்லாத்தூர் கிராமத்தில், தி.மு.க நிர்வாகி இல்ல மஞ்சள் நீராட்டு விழா அங்குள்ள திருமண மண்டபத்தில் நடைபெற்றது. இதில் கலந்து கொள்வதற்காக, கடலூர் தி.மு.க எம்.எல்.ஏ. ஐயப்பன் வந்தபோது பெட்ரோல் குண்டு வீசப்பட்டது. இதில் யாருக்கும் காயம் ஏற்படாத நிலையில், தி.மு.க. எம்.எல்.ஏ.வை அந்த மண்டபத்திலிருந்து நிர்வாகிகள் பாதுகாப்பாக வீட்டிற்கு அனுப்பி வைத்தனர். எம்.எல்.ஏ. ஐயப்பனின் வீட்டிற்கு போலீஸ் பாதுகாப்பு போடப்பட்டுள்ளது. சம்பவ இடத்தில் சி.சி.டி.வி. கேமராக்கள் சரியாக இயங்காததால் குற்றவாளிகளைப் பிடிப்பதில் சிக்கல் ஏற்பட்டுள்ளது. இதுதொடர்பாக 5 தனிப்படை அமைக்கப்பட்டுள்ள நிலையில், இருவரிடம் போலீசார் விசாரணை மேற்கொண்டு வருகின்றனர். சம்பவம் நடந்த பகுதி தமிழகம் - புதுச்சேரி எல்லையில் உள்ளதால், புதுச்சேரி போலீசாரும் விசாரணை நடத்தி வருகின்றனர்.