குடும்பத்தினர் கண்முன்னே ஆற்றில் மூழ்கி உயிரிழந்த நபர் - வேலூரில் பரபரப்பு

வேலூர் மாவட்டம் பச்சகுப்பம் பாலாற்றில் மூழ்கிய நபர், சடலமாக மீட்கப்பட்டார்.

கலாஸ் பாளையத்தைச் சேர்ந்த சரவணன் என்பவர், பச்சகுப்பம் பாலாற்றில் குளித்த போது, தண்ணீரில் அடித்துச் செல்லப்பட்டார்.

தகவலறிந்து சம்பவ இடத்துக்கு விரைந்த ஆம்பூர் தீயணைப்பு வீரர்கள், ஆறு மணி நேரம் போராடி, ராட்சத பொக்லைன் இயந்திரங்களின் உதவியுடன் சரவணனை சடலமாக மீட்டனர்.

குடும்பத்தினர் கண்முன்னே ஆற்றில் மூழ்கி உயிரிழந்த சம்பவம் சோகத்தை ஏற்படுத்தியது.