நகையை திருடிவிட்டு தப்பிய போது ஆட்டோவில் மோதி தூக்கி வீசப்பட்ட கொள்ளையர்கள் - அதிர்ச்சி காட்சி

பழனியில், மூதாட்டியிடம் நகை பறிப்பில் ஈடுபட்டு தப்பிச் சென்ற இருவர், விபத்தில் சிக்கி கீழே விழுந்த சிசிடிவி காட்சி வெளியாகியுள்ளது. ரென காளியம்மன் கோயில் அருகே, நடந்து சென்ற சுலோச்சனா என்பவரிடம் 12 சவரன் தங்கச் சங்கிலியை இருசக்கர வாகனத்தில் வந்த இருவர் பறித்துச் சென்றதாக தெரிகிறது. பின்னர், அதிவேகமாக தப்பிச் சென்ற போது, ஆட்டோ மீது மோதி இளைஞர்கள் இருவரும் சாலையில் இழுத்துச் செல்லப்பட்டனர். பலத்த காயமடைந்த இருவரும், பறித்து சென்ற நகையை கீழே போட்டுவிட்டு அங்கிருந்து தப்பிச் சென்றனர். இது தொடர்பான சிசிடிவி காட்சிகளின் அடிப்படையில், ஒருவரை கைது செய்து போலீசார் விசாரணை நடத்தி வருகின்றனர்.