பழனி முருகன் கோயில் குடமுழுக்கு விழா...பக்தர்கள் கவனத்திற்கு - கோயில் நிர்வாகம் அதிரடி அறிவிப்பு

பழனி முருகன் கோவில் குடமுழுக்கு விழாவை காண, ஆறாயிரம் பக்தர்கள் மட்டுமே அனுமதிக்கப்படுவர் என கோவில் நிர்வாகம் அறிவித்துள்ளது.

பழனி முருகன் கோவிலில், வரும் 27-ஆம் தேதி நடைபெறும் குடமுழுக்கு விழா குறித்த, அனைத்து துறை அலுவலர்கள் ஒருங்கிணைப்பு கூட்டம் நடைபெற்றது.

குடமுழுக்கு விழா காலை 8 முதல் 9.30 மணி வரை நடைபெறும் எனவும், பக்தர்கள் காலை 4 முதல் 8 மணிக்குள் மலைக் கோவிலுக்கு சென்றுவிட வேண்டும் என தெரிவிக்கப்பட்டது.

ரோப் கார் மற்றும் விஞ்ச் வழியால 2 ஆயிரம் பேரும், படிவழிப்பாதை வழியே 4 ஆயிரம் பேர் என மொத்தம் 6 ஆயிரன் பேர் அனுமதிக்கப்படுவர் எனவும் தெரிவிக்கப்பட்டது.

மேலும் குடமுழுக்கு விழாவை காண குலுக்கல் முறையில் தேர்ந்தெடுக்கப்படும் மூவாயிரம் பேருக்கு மட்டுமே அனுமதி வழங்கப்படும்