குஜராத் நடுக்கடலில் இந்திய மீனவர்கள் மீது துப்பாக்கிச்சூடு.
பாகிஸ்தான் கடற்படையின் செயலால் அதிர்ச்சியான மீனவர்கள்.
மீனவர்களை கடத்தியபோது அதிரடி காட்டிய இந்திய கடற்படை.
நடுக்கடலில் மீனவர்களை மீட்ட இந்திய கடற்படை.
பாகிஸ்தான் கடற்படை மீது கொலை முயற்சி வழக்கு.
நடுக்கடலில் இந்திய மீனவர்கள் மீது துப்பாக்கிச்சூடு நடத்திய பாகிஸ்தான் கடற்படை மீது, குஜராத் போலீசார் வழக்குப்பதிவு செய்தனர்.
குஜராத் மாநிலத்தின் ஜகாவ் கடற்கரை பகுதியில் இந்திய மீனவர்கள் 6 பேர் படகில் மீன்பிடித்து கொண்டிருந்தனர்.
அப்போது வந்த பாகிஸ்தான் கடற்படையினர், மீனவர்கள் மீது சரமாரி துப்பாக்கிச்சூடு நடத்தியதுடன், அவர்களின் படகை மூழ்கடிக்க செய்துள்ளனர்.
மீனவர்களை தாக்கிய பாகிஸ்தான் கடற்படை, அவர்களை தங்கள் படகிலும் ஏற்றியுள்ளனர்.
இது குறித்து மீனவர் அளித்த தகவல் மூலம் அங்கு விரைந்த இந்திய கடற்படை, பாகிஸ்தான் வீரர்களிடம் இருந்து 6 மீனவர்களை மீட்டனர்.
இந்திய மீனவர்கள் அளித்த புகாரின் பேரில் கொலை முயற்சி, கடத்தல், சேதம் விளைவித்தல், மிரட்டல் உள்ளிட்ட பிரிவுகளின் கீழ் பாகிஸ்தான் கடற்படை மீது குஜராத் காவல்நிலையத்தில் வழக்குப்பதிவு செய்யப்பட்டுள்ளது.