உணவு இன்றி தவிக்கும் படையப்பா யானை - குப்பைக் கிடங்கில் உணவு தேடும் அவலம்

கேரள மாநிலம் மூணாரில் குப்பை கிடங்கிற்குள் உணவு தேடும் அவல நிலைக்குத் தள்ளப்பட்டுள்ளது "படையப்பா" யானை... குடியிருப்பு பகுதிகளில் உலா வரும் இந்த படையப்பா என்ற காட்டு யானை, 2 வாரங்களுக்கும் மேலாக கல்லார், நல்ல தண்ணீர் எஸ்டேட் பகுதிகளில் தென்பட்டது. உணவு இன்றி தவித்த படையப்பா, கல்லார் குப்பைக் கிடங்கில் குவிந்து கிடக்கும் அழுகிய காய்கறிகளை உண்ணும் நிலைக்குத் தள்ளப்பட்டுள்ளது. அடாவடி செய்து கொண்டு சுற்றித் திரிந்த படையப்பா, இப்போது சாந்தமாகக் காட்சியளிக்கிறது. வாகனங்களைத் தாக்குவதில்லை... குப்பைக் கிடங்கு ஊழியர்களைக் கூட கண்டும் காணாது சென்று விடுகிறது. ஆனால் தொடர்ந்து இதேபோல் அழுகிய காய்கறிகளை சாப்பிட்டால் படையப்பாவுக்கு உடல் நலக் கோளாறு ஏற்பட வாய்ப்புள்ளது குறிப்பிடத்தக்கது.