பொள்ளாச்சியில் அடுத்த அதிர்ச்சி - கல்லூரி மாணவியை கர்ப்பமாக்கிய பட தயாரிப்பாளர் | Pollachi

பொள்ளாச்சியில் கல்லூரி மாணவியை சினிமாவில் நடிக்க வைப்பதாக கூறி பாலியல் வன்கொடுமை செய்த தயாரிப்பாளரை போலீசார் கைது செய்தனர்.

கோவை தனியார் கல்லூரி மாணவி ஒருவர், முகநூலில் திரைப்படத்தில் நடிக்க பெண் நடிகைகள் தேவை என்ற விளம்பரத்தை பார்த்துள்ளார். மாணவிக்கு சினிமாவில் நடிக்க விருப்பம் இருந்ததால் அவ்விளம்பரத்தில் உள்ள தொலைபேசி எண்ணை தொடர்பு கொண்டிருக்கிறார். அப்போது கரூரை சேர்ந்த பார்த்தீபன் என்பவர் நடிகைகள் தேர்வு பொள்ளாச்சியில் உள்ள விடுதி ஒன்றில் நடப்பதாக கூறியுள்ளார். அங்கு சென்ற மாணவியிடம் பார்த்தீபன் தான் தயாரிப்பாளர் என்றும், சினிமாவில் நடிக்க வைப்பதாகவும் கூறி மாணவியை பாலியல் வன்கொடுமை செய்ததாக கூறப்படுகிறது. இதில், கர்ப்பமான மாணவியிடம், நீ குழந்தை பெற்றால் சினிமாவில் வாய்ப்பு கிடைக்காது என கூறி கருவை கலைத்துள்ளார். இதையடுத்து தான் ஏமாற்றப்பட்டதை அறிந்த மாணவி பொள்ளாச்சி மகளிர் போலீசில் புகாரளித்துள்ளார். இதையடுத்து தலைமறைவாகியிருந்த பார்த்தீபனை தேடி வந்த போலீசார் நேற்று கோவையில் வைத்து கைது செய்துள்ளனர்.