"கலை அறிவியல் படிப்புகளுக்கு நுழைவு தேர்வை ஏற்கிறீர்களா?" - மாணவர்களிடம் கேள்வி கேட்ட அமைச்சர் பொன்முடி

தமிழகத்தில் இரு மொழி கொள்கை தொடர்ந்து அமலில் இருக்கும் என்றும் மூன்றாவது மொழிக்கு இடம் இல்லை என, உயர்கல்வித்துறை அமைச்சர் பொன்முடி தெரிவித்துள்ளார். சென்னை அண்ணா பல்கலைக்கழக வளாகத்தில் நடைபெற்ற பட்டமளிப்பு விழாவில், பங்கேற்ற உயர்கல்வித்துறை அமைச்சர் பொன்முடி பங்கேற்று மாணவர்களுக்கு பட்டங்களை வழங்கினார். பின்னர் நிகழ்ச்சியில் உரையாற்றிய அமைச்சர் பொன்முடி, மத்திய அரசு கலை அறிவியல் படிப்புகளுக்கு நுழைவுத் தேர்வு கொண்டு வருவதை ஏற்கிறீர்களா என மாணவர்களை பார்த்து கேள்வி எழுப்பினார்.