திரைப்படத்தை மிஞ்சிய ரெய்டு..! தம்பதியினரை காரில் கடத்திய தானா சேர்ந்த கூட்டம் - மதுரையில் அதிர்ச்சி சம்பவம்

மதுரை டி.கல்லுப்பட்டி அருகே வருமான வரித்துறை அதிகாரிகள் போல் நடித்து, தம்பதியினரை கடத்திய 9 பேர் கைது செய்யப்பட்டனர்.

மதுரையை சேர்ந்த சுப்பையா என்பவர், டி.கல்லுப்பட்டி அருகே விவசாயம் செய்து வருகிறார்

. இந்நிலையில் வருமான வரித்துறை அதிகாரிகள் போல் நடித்து, தன்னையும் தன் மனைவியையும் 5 பேர் கொண்ட கும்பல் கடத்தியதாக, சுப்பையா காவல் நிலையத்தில் புகார் அளித்தார்.

மேலும் 5 லட்ச ரூபாய் கேட்டு அவர்கள் மிரட்டியதாகவும், பின்பு காரில் நடுவழியில் இறக்கி விட்டு சென்றதாகவும் புகார் தெரிவித்தார்.

இதையடுத்து வழக்குப்பதிவு செய்து விசாரித்து வந்த போலீசார், சம்பவத்துடன் தொடர்புடைய, பெண் உட்பட 9 பேரை கைது செய்தனர். மேலும் கடத்தலுக்கு பயன்பட்ட 2 கார்களையும் போலீசார் பறிமுதல் செய்தனர்.