தங்கத்திற்கு ஒரே விலையை அமல்படுத்திய கேரள அரசு | Gold | Kerala | Gold Rate

கேரளாவில் ஒரே இந்தியா ஒரே தங்கம் என்ற கொள்கைப்படி, தங்கத்திற்கு ஒரே விலையை மாநில அரசு அமல்படுத்தியுள்ளது.

அனைத்து கேரள தங்கம் மற்றும் வெள்ளி வணிகர்கள் சங்கம் தங்க நகை வர்த்தகத் துறையில் ஐம்பது ஆண்டுகளுக்கும் மேலாக தினசரி தங்கத்தின் விலையை நிர்ணயம் செய்து வருகிறது. ஒவ்வொரு நாளின் சர்வதேச விலை மற்றும் வங்கி விகிதங்களைக் கணக்கில் கொண்டு, ரூபாயின் மாற்று விகிதத்தின் அடிப்படையில் தங்கத்தின் விலை தினசரி நிர்ணயிக்கப்படுகிறது. இந்நிலையில்

ஒரே இந்தியா ஒரே தங்கம் கொள்கையை அமல்படுத்திய நாட்டிலேயே முதல் மாநிலம் என்ற பெருமையை கேரளா பெற்றது. 916 தூய்மை கொண்ட 22 காரட் தங்கத்திற்கும் இது பொருந்தும்.

கேரள மாநிலத்தில் இனி ஒரே மாதிரியான விலையில் தங்கம் கிடைக்கும். வங்கி விகிதங்களின் அடிப்படையில் ஒரு நிலையான விகிதம் வசூலிக்கப்படும். கேரளாவில் சீரான விலையை அமல்படுத்தும் போது, ​​நாட்டின் மொத்த தங்க நுகர்வில் 40% தென்னிந்தியாவில் உள்ளது என்பது குறிப்பிடத்தக்கது. கேரளாவில் தங்க நகைகள் மீதான தனிநபர் செலவினம் அதிகமாக உள்ளது குறிப்பிடத்தக்கது.