மின் கம்பத்தில் கட்டி வைத்து பெண்ணை தாக்கிய விவகாரம் - வழக்கை வாபஸ் பெற பெண் மீது மீண்டும் தாக்குதல்
- கன்னியாகுமரியில், மின் கம்பத்தில் கட்டி வைத்து அடிக்கப்பட்டதாக புகார் அளித்த விவகாரத்தில், மீண்டும் வீடு புகுந்து பெண் தாக்கப்பட்ட சம்பவம் குறித்து போலீசார் விசாரணை மேற்கொண்டு வருகின்றனர்.
- கன்னியாகுமரி மாவட்டம் வட்டவிளை பகுதியை சேர்ந்த கலா என்பவர், மார்த்தாண்டம் அருகே மசாஜ் சென்டர் நடத்தி வருகிறார்.
- கடந்த சில நாட்களுக்கு முன்பு அருமனை அருகே உள்ள ஆட்டோ ஸ்டாண்டில், கலாவை மின்கம்பத்தில் கட்டி வைத்து சித்ரவதைக்கு உள்ளாக்கப்பட்ட வீடியோ சமூக வலைதளங்களில் வைரலாகியது.
- அதுதொடர்பான புகாரின் பேரில், 5 பேர் மீது வழக்கு பதிவு செய்த போலீசார், 3 பேரை கைது செய்தனர்.
- தலைமறைவாக உள்ள 2 பேரை தேடி வருகின்றனர்.
- இந்த நிலையில், கலா தனது வீட்டில் இருந்தபோது, வழக்கை வாபஸ் பெறக்கோரி, கும்பல் ஒன்று வீடு புகுந்து தாக்கியதாக கூறப்படுகிறது.
- இதில் காயமடைந்த கலா மருத்துவமனையில் அனுமதிக்கப்பட்ட நிலையில், போலீசார் விசாரணை மேற்கொண்டு வருகின்றனர்.