"உயர்ந்த உள்ளம் படப்பிடிப்பிற்கு முன் கமலுக்கு வலது கையில் காயம்"சண்டைக் காட்சியில் ஒற்றைக் கையுடன் நடித்து அசத்திய கமல்"

படத் தயாரிப்பாளரான அருணா குகன் தனது ட்விட்டர் பக்கத்தில் நடிகர் கமல்ஹாசன் குறித்த சுவையான தகவல் ஒன்றைத் பகிர்ந்துள்ளார்... கமல்ஹாசனின் அபரிமிதமான ஈடுபாடு மற்றும் கலைக்காக தன்னை சமர்ப்பிக்கும் குணத்தை அவர் வெகுவாக பாராட்டினார்... உயர்ந்த உள்ளம் படப்பிடிப்பிற்கு முன் கமலுக்கு வலது கையில் காயம் ஏற்பட்டதாகவும், இருந்தபோதிலும் ஏற்கனவே திட்டமிடப்பட்ட சண்டைக் காட்சியில் இருந்து எந்த பகுதியையும் நீக்காமல் அப்படியே எடுக்க வேண்டும் என்றும் கமல் படக்குழுவிடம் கூறினாராம். வலது கையில் ஏற்பட்ட காயத்தால் அந்த முழு சண்டைக் காட்சியிலும் தன் இடக்கையை மட்டுமே வைத்து நடித்து அசத்தியுள்ளார் கமல். அந்த வீடியோவை அருணா குகன் பகிர்ந்துள்ள நிலையில், இணையவாசிகள் கமலை சிலாகித்து வருகின்றனர்.