பிரபல வில்லனின் ரசிகரா நடிகர் விஜய்? - லியோ பட நடிகர் வெளியிட்ட ரகசிய தகவல்!
நடிகர் விஜய் தனது ரசிகர் எனக் கூறியது தனக்கு இன்ப அதிர்ச்சியை ஏற்படுத்தியதாக புகழ்பெற்ற வில்லன் நடிகர் பெருமிதம் தெரிவித்துள்ளார்... இயக்குநர் லோகேஷ் கனகராஜ் இயக்கத்தில் விஜய் நடிப்பில் உருவாகும் லியோ படத்தில் பாபு ஆண்டனியும் நடிக்கிறார்... விஜயுடன் இணைந்து எடுத்துக் கொண்ட புகைப்படத்தை பகிர்ந்த அவர், விஜய் மிகவும் அன்பாகவும், பணிவாகவும் நடந்து கொண்டதாகவும், தான் நடித்த திரைப்படங்களை விஜய் ரசித்ததாகக் கூறியதாகவும் குறிப்பிட்டார். மேலும் விஜய் தனது ரசிகர் என்று கூறியது மிகவும் இன்ப அதிர்ச்சியாக இருந்தது எனவும் பாபு ஆண்டனி குறிப்பிட்டுள்ளார்... அத்துடன் படக்குழுவினர் அனைவருமே அன்புடன் நடந்து கொண்டதாகத் தெரிவித்த அவர், இவ்வாறு கிடைப்பது ஒரு வரம் என்று தனது மகிழ்ச்சியைப் பகிர்ந்து கொண்டார்.