தலைகுப்புற கவிழ்ந்த தனியார் பேருந்து.. 20 பயணிகளுக்கு நேர்ந்த கதி
கிருஷ்ணகிரி மாவட்டம் ஒசூர் அருகே தனியார் பேருந்து பள்ளத்தில் கவிழ்ந்து விபத்துக்குள்ளானதில் ஒருவர் உயிரிழந்த நிலையில், 20க்கும் மேற்பட்டோர் காயம் அடைந்துள்ளனர்.
ஓசூர் அருகேயுள்ள நாகமங்கலம் கிராமத்தில் இருந்து புறப்பட்ட தனியார் பேருந்து ஒன்று 45 பயணிகளுடன் பெங்களூர் நோக்கி சென்றுள்ளது.
அப்போது பேருந்து கெலமங்கலம் அருகே ஒரு வளைவில் திரும்ப முற்பட்டபோது எதிர்பாராத விதமாக அங்குள்ள ராகி வயலுக்குள் கவிழ்ந்து விபத்துக்குள்ளானது.
இந்த விபத்தில் ஜக்கேரியை சேர்ந்த யசோதா (45) என்ற பெண் பரிதாபமாக உயிரிழந்தார். பேருந்தில் பயணம் செய்த 20க்கு மேற்பட்டோர் படுகாயம் அடைந்த நிலையில் அனைவரும் மீட்கப்பட்டு மருத்துவமனைக்கு அனுப்பி வைக்கப்பட்டனர்.
இந்த சம்பவம் குறித்து கெலமங்கலம் காவல்துறையினர் விசாரணை கொண்டு வருகின்றனர்.