டி20 உலகக்கோப்பையில் பாகிஸ்தானுக்கு முதல் வெற்றி
டி20 உலகக்கோப்பை சூப்பர்12 சுற்றில் நெதர்லாந்தை பாகிஸ்தான் 6 விக்கெட் வித்தியாசத்தில் வென்றது.
பெர்த்தில் நடைபெற்ற இந்தப் போட்டியில் முதலில் பேட்டிங் செய்த நெதர்லாந்து, 20 ஓவர்களில் 9 விக்கெட் இழப்புக்கு 91 ரன்கள் எடுத்தது. பாகிஸ்தான் தரப்பில் சுழற்பந்து வீச்சாளர் ஷதாப் கான் 3 விக்கெட்டுகளையும், முகமது வாசிம் 2 விக்கெட்டுகளையும் வீழ்த்தினர். பின்னர் 92 ரன்கள் இலக்கை நோக்கி ஆடிய பாகிஸ்தான், 13 புள்ளி 5 ஓவரில் 4 விக்கெட்டை மட்டும் இழந்து இலக்கை எட்டியது. பாகிஸ்தான் தரப்பில் அதிகபட்சமாக தொடக்க வீரர் ரிஸ்வான் 49 ரன்கள் அடித்தார். நடப்பு டி20 உலகக்கோப்பை தொடரில் பாகிஸ்தான் பெறும் முதல் வெற்றி இது என்பது குறிப்பிடத்தக்கது.