- மாரண்டஹள்ளி அருகே தாயை இழந்து சுற்றி திரியும் குட்டி யானைகளை பிடிக்கும் முயற்சியில், வனத்துறையினர் 3வது நாளாக ஈடுபட்டுள்ளனர்.
- தருமபுரி மாவட்டம் காளிகவுண்டன் கொட்டாய் பகுதியில், விவசாய நிலத்தில் அமைக்கப்பட்டிருந்த சட்ட விரோத மின்வேலியில் சிக்கி, 3 யானைகள் உயிரிழந்தன.
- இதில் தாயை இழந்த 2 குட்டி யானைகள், அதேபகுதியில் சுற்றி திரிந்து வருகின்றன
- . 2 குட்டி யானைகளையும் மீட்டு முதுமலை சரணாலயத்தில் விடுமாறு, சென்னை உயர்நீதிமன்றம் அறிவுறுத்தியுள்ள நிலையில், அதற்கான நடவடிக்கைகளில் வனத்துறையினர் ஈடுபட்டுள்ளனர்.
- ஆங்காங்கே பலாப்பழம், இளநீர் உள்ளிட்ட உணவுகளை வைத்துள்ள வனத்துறையினர், அதனை எடுப்பதற்கு வரும் குட்டி யானைகளை பிடிக்க வலையோடு காத்திருக்கின்றனர்.
- ஆனால் குட்டி யானைகளோ, தாய் இறந்த பகுதியிலேயே சுற்றி வருகின்றன.
- இதனால் 3வது நாளாக குட்டி யானைகளை பிடிக்கும் பணி தொடர்ந்து வருகிறது.