வீடு புகுந்து குழந்தைகளை கடித்து அட்டகாசம் செய்யும் சில்மிஷ குரங்குகள் - ஒரு ஊரையே கதறவிடும் 400 குரங்குகள்
மயிலாடுதுறை அருகே 5 ஆண்டுகளாக குரங்குகளின் அட்டகாசங்களால் கதிகலங்கி நிற்கும் கிராம மக்கள், புகார் அளித்தும் நடவடிக்கை எடுக்கப்படவில்லை என வேதனை தெரிவித்துள்ளனர்.மயிலாடுதுறை அருகே சித்தமல்லி கிராமத்தில், கடந்த 5 ஆண்டுகளாக குரங்குகளின் தொல்லை அதிகரித்து வருவதாக கிராம மக்கள் புகார் தெரிவித்துள்ளனர். நானூற்றுக்கு மேற்பட்ட குடும்பங்கள் வசித்து வரும் கிராமத்தில், கூரை வீடுகளை பிய்த்து உள்ளே புகுந்து, சமைத்துள்ள உணவுகளை தின்றவிட்டு சேதப்படுத்தி விட்டு செல்வதாகவும் புகார்கள் தெரிவித்துள்ளனர். குரங்குகளுக்கு பயந்து கூரை வீடுகளில் உள்ள இடுக்குகளில் வேலி முட்களால் அடைத்து வைத்துள்ளதாக தெரிவித்துள்ள அவர்கள், குரங்குகளை பிடிக்க நடவடிக்கை எடுக்ககோரி கிராமசபை கூட்டத்தில் புகார் அளித்தும் நடவடிக்கை எடுக்கவில்லை என்று வேதனையுடன் கூறுகின்றனர். இந்நிலையில் மாவட்ட ஆட்சியர் அலுவலகத்தில் நடந்த குறைதீர்க்கும் கூட்டத்தில், ஆட்சியர் லலிதாவிடம் மக்கள் நேரிடையாக புகார் தெரிவித்துள்ளனர்.