தாம்பரம் அருகே, பட்டாகத்தியுடன் வீடியோ வெளியிட்ட இளைஞர்களை கைது செய்த போலீசார், எதிர்காலத்தை கருதி, கடுமையாக எச்சரித்து அனுப்பி வைத்தனர்.அஸ்தினாபுரத்தில், கானா பாடலுக்கு பட்டாகத்தியுடன் மிரட்டும் வகையில், 3 இளைஞர்கள் வீடியோ பதிவிட்டு சமூக வலைதளங்களில் வெளியிட்டனர். பின்னர் வீடியோ வெளியிட்ட ராஜேந்திரன், பச்சமுத்து, லோகேஷ் ஆகிய 3 பேரை போலீசார் கைது செய்து விசாரணை நடத்தினர். அதில், ராஜேந்திரன் கல்லூரி மாணவர் என்பதும், பச்சைமுத்து மற்றும் லோகேஷ் ஆகிய இருவரும் கூலி வேலை செய்து வந்ததும் தெரியவந்தது. சமூக வலைதளங்களில் பிரபலமாக, இது போன்று வீடியோ பதிவிட்டதாக அவர்கள் தெரிவித்தனர். 3 பேரின் எதிர்காலத்தை கருதி, அவர்களை போலீசார் கடுமையாக எச்சரித்து அனுப்பியதாக தெரிவித்தனர்.