TVS வண்டி மீது நேராக மோதிய கார்.. தூக்கி வீசப்பட்டு துடித்துடித்து பலியான மூவர் - விழுப்புரத்தில் பயங்கரம்

விழுப்புரம் மாவட்டம் செஞ்சி அடுத்த சேர்விளாகம் பகுதியை சேர்ந்த ஆறுமுகம், அவரது மகன் கண்ணையன் மற்றும் மொடையூர் பகுதியை சேர்ந்த மணி ஆகியோர் கட்டுமான பணிக்கு சென்றனர். மாலை வீட்டிற்கு டிவிஎஸ் XL வாகனத்தில் செல்லும்பொழுது திண்டிவனத்தில் இருந்து கிருஷ்ணகிரி நோக்கி சென்ற ஸ்கார்பியோ கார் மோதியது. இதில் மூவரும் தூக்கி வீசப்பட்டு சம்பவ இடத்திலே துடித்துடித்து பரிதாபமாக பலியாகினர்.

ஸ்கார்பியோ வாகனத்தை கலிம் என்பவர் இயக்கிய நிலையில் அந்த வாகனத்தில் இருந்த நான்கு குழந்தைகள் மூன்று பெரியவர்கள் பயணித்த நிலையில் சிறிய காயங்களுடன் உயிர் தப்பினர்.

தகவல் அறிந்த செஞ்சி காவல்துறையினர் சம்பவ இடத்திற்கு சென்று விபத்தில் பலியானவர்களின் உடல்களை, மீட்டு பிரேத பரிசோதனைக்காக செஞ்சி அரசு மருத்துவமனைக்கு அனுப்பி வைத்தனர்