ரத்த வெள்ளத்தில் சடலமாக கிடந்த பெண்... " கணவர் வெறிச்செயல்" சேலம் அருகே அதிர்ச்சி

சேலம் மாவட்டம் சின்ன சீரகபாடியை சேர்ந்த காளியம்மாள் என்பவர், பிரபல ரவுடியான ரகு என்பவரை, இரண்டாவதாக திருமணம் செய்துகொண்டு மகன் மகளுடன் வசித்து வந்துள்ளார். இந்நிலையில் வெளிப்பக்கம் வீடு பூட்டப்பட்டிருந்த நிலையில், வீட்டின் உள்ளே கத்திக்குத்து காயங்களுடன் காளியம்மாள் சடலமாக மீட்கப்பட்டுள்ளார். முதற்கட்ட விசாரணையில் கணவர் ரகு, தனது 2 நண்பர்களுடன் சேர்ந்து வீட்டில் தங்கியிருந்தது தெரிய வந்துள்ளது. இதனால் மூவரும் கூட்டாக சேர்ந்து காளியம்மாளை கொலை செய்திருக்கலாம் என்ற கோணத்தில், மூவரையும் போலீசார் தேடி வருகின்றனர். மேலும் காளியம்மாளுக்கு வேறு ஒரு வாலிபருடன் பழக்கம் ஏற்பட்டதாக கூறப்படும் நிலையில், அதன் காரணமாக கணவர் ரகு கொலை செய்தாரா என்ற கோணத்தில் போலீசார் விசாரித்து வருகின்றனர்.