காரில் புதுச்சேரி சென்ற 6 நண்பர்கள்.. சென்னை ECR-ல் நடந்த பயங்கரம் - ஸ்பாட்டிலேயே 2 பேர் பலி

செங்கல்பட்டு மாவட்டம் கூவத்தூர் அருகே கட்டுப்பாட்டை இழந்த கார் சாலையோர தடுப்பில் மோதி விபத்துக்குள்ளானதில் 2 பேர் சம்பவ இடத்திலேயே உயிரிழந்தனர். சென்னை மாதவரத்தை சேர்ந்த நண்பர்கள் 6 பேர், காரில் புதுச்சேரி நோக்கி சென்றுக் கொண்டிருந்தனர். அப்போது, கார் ஈசிஆர் சாலையில் உள்ள காத்தான் கடை என்ற இடத்தில் சென்ற போது, கட்டுப்பாட்டை இழந்து சாலையோர தடுப்பில் மோதி விபத்துக்குள்ளானது. இதில், 2 பேர் சம்பவ இடத்திலேயே உயிரிழந்த நிலையில், 4 பேர் காயங்களுடன் மருத்துவமனையில் அனுமதிக்கப்பட்டுள்ளனர். மேலும், இச்சம்பவம் குறித்து போலீசார் விசாரணை மேற்கொண்டு வருகின்றனர்.