3 கொலைகள்...17 ஆண்டுகள் தலைமறைவு வாழ்க்கை - போலீசாரை கிறுகிறுக்க வைத்த நபர்

நெல்லை மாவட்டம் பழவூர் நரிபாறை காலனி பகுதியை சேர்ந்தவர் செந்தில்வேல், இவர் பழவூர் திட்டுவிளை, கேசவன்புதூர் பகுதிகளில் நடந்த மூன்று கொலைகளில் தொடர்புடையவராக கூறப்பட்டு அதன் அடிப்படையில் போலீசார் கைது செய்தனர். இந்நிலையில், மூன்று கொலை வழக்குககள் தொடர்பாக கடந்த 2006 - ம் ஆண்டு முதல் செந்தில் வேல் நீதிமன்றத்தில் ஆஜராகாமல் தலைமறைவாக இருந்து வந்தார். இதனை தொடர்ந்து அவருக்கு நீதிமன்றம் பிடிவாராண்டு உத்தரவு பிறப்பித்தது. இதனால் செந்தில் வேலை போலீசார் தேடி வந்த நிலையில், விசுவநாதபுரம் சந்திப்பில் பதுங்கி இருப்பதாக போலீசாருக்கு ரகசிய தகவல் கிடைத்தது. இதனை அடுத்து பூதப்பாண்டி காவல் நிலைய ஆய்வாளர் முத்துராஜ் தலைமையிலான போலீசார், பதுங்கி இருந்த செந்தில்வேலை மடக்கி பிடித்தனர். பின்னர் அவரை கைது செய்து நீதிமன்றத்தில் ஆஜர்படுத்தி சிறையில் அடைத்தனர்.