மியாமி கட்டட சரிவு - பலி எண்ணிக்கை 5 ஆக உயர்வு

அமெரிக்காவின் ஃபுளோரிடா மாகாணத்தில் உள்ள மியாமியில் 12 மாடிகள் கொண்ட அடுக்குமாடி கட்டடம் இடிந்து விழுந்ததில், பலி எண்ணிக்கை 5 ஆக உயர்ந்துள்ளது. 2 நாட்களுக்கு முன் இக்கட்டடம் சரிந்து விழுந்ததில், காணாமல் போன150க்கும் மேற்பட்டோரைத் தேடும் பணி இரவு பகலாகத் தொடர்ந்து வருகிறது. இந்நிலையில், காணாமல் போனவர்களில் சிலர் உயிருடன் மீட்கப்படலாம் என மீட்புக்குழுவினர் நம்பிக்கை தெரிவித்தாலும், இடிபாடுகளின் அடிப்பகுதியில் ஏற்பட்டுள்ள திடீர் தீ விபத்து மீட்புப் பணியைத் தொய்வடையச் செய்துள்ளது.