எத்தியோப்பியா விமானம் விழுந்து விபத்து : பயணம் செய்த 157 பேர் பலி

எத்தியோப்பியாவில் இருந்து நைரோபி சென்ற போயிங் 737 என்ற விமானம் விழுந்து விபத்துக்குள்ளானதில், அதில் பயணம் செய்த 4 இந்தியர்கள் உட்பட 157 பேர் உயிரிழந்தனர். எத்தியோப்பியா தலைநகர் அடிஸ் அபாபாவில் இருந்து புறப்பட்ட 7 நிமிடங்களில் ரேடாரில் இருந்து விமானம் மறைந்தது. விமானம் கீழே விழுந்து விபத்துக்குள்ளானதாக எத்தியோப்பியன் ஏர்லைன்ஸ் தரப்பில் தெரிவிக்கப்பட்டது. எத்தியோப்பிய பிரதமர் அலுவலகமும் டிவிட்டர் செய்தி மூலம் இந்த விபத்தை உறுதி செய்துள்ளது.