அமெரிக்க - மெக்ஸிகோ எல்லையில் சுவர் கட்டும் விவகாரம்

மெக்ஸிகோ எல்லையில் சுவர் கட்டுவதற்கு அமெரிக்கா அதிபர் டெனால்ட் டிரம்ப் கோரிய நிதிக்கு கடுமையான எதிர்ப்பு எழுந்தது. எதிர்கட்சியான ஜனநாயக கட்சியின் இந்த எதிர்ப்பால், பல திட்டங்களுக்கான நிதிகளும் ஒதுக்கப்படாமல், கடந்த டிசம்பர் 22 ஆம் தேதி முதல் தொடர்ந்து 17-வது நாளாக அரசு முடங்கியுள்ளது. இதனால் 8 லட்சம் அரசு ஊழியர்கள் தங்கள் சம்பளமின்றி தவித்து வருகின்றனர். இந்நிலையில், மெக்ஸிகோ எல்லையை இந்த வாரம் பார்வையிட போவதாக அதிபர் டிரம்ப் அறிவித்துள்ளார். மெக்ஸிகோ- அமெரிக்க எல்லை சுவர் விவகாரத்தை சுயநலமாக கருதி, அதிபர் டிரம்ப் அரசியல் செய்வதாக அரசு அதிகாரிகள் குற்றம்சாட்டியுள்ளனர்.