"மண்டை மேல இருந்த கொண்டைய மறந்துட்டியே"..இன்ஜின் நம்பரால் சிக்கிய ஆட்டோ திருடன்

சிவகங்கை மாவட்டம், திருப்புவனம் பகுதியில் வசித்து வரும் அப்பாஸ் என்பவரது ஆட்டோ, கடந்த 5-ஆம் தேதி காணாமல் போனதாக போலீசாரிடம் புகாரளிக்கப்பட்டது. இதைத் தொடர்ந்து சிசிடிவி காட்சிகளை ஆய்வு செய்த போலீசார், ஒருவர் ஆட்டோவை திருடிச் சென்றதை கண்டறிந்தனர். இந்நிலையில், திருடப்பட்ட ஆட்டோ திருப்புவனம் பெட்ரோல் பங்க் அருகே இருப்பதாக போலீசாருக்கு தகவல் கிடைத்தது. தகவலின் பேரில் சம்பவ இடத்திற்கு விரைந்த போலீசார், ஆட்டோவின் இஞ்சின் உள்ளிட்ட பாகங்கள் மாற்றப்பட்டு இருந்ததை அறிந்து, அந்த இஞ்சின் எண் மூலமாக திருட்டில் ஈடுபட்ட நபரை பிடித்து விசாரணை செய்தனர். இதில், அருளானந்தன் என்ற மற்றொரு ஆட்டோ ஓட்டுநர் திருட்டில் ஈடுபட்டது தெரிய வந்துள்ளது.