நிற்காமல் சென்ற அரசு பேருந்து.. பின்னால் ஓடிய மாணவர்கள்.. தீயாய் பரவிய காட்சிகள்..

நெல்லையில் பள்ளி மாணவர்களைப் பார்த்தும் பேருந்தை நிறுத்தாமல் அதிவேகமாக இயக்கிய அரசு பேருந்து ஓட்டுநர் மற்றும் நடத்துநர் பணியிடை நீக்கம் செய்யப்பட்டுள்ளனர்...நெல்லை ஸ்ரீபுரம் டவுண் சாலையில் அமைந்துள்ள அரசு உதவி பெறும் பள்ளியில் படித்து வரும் பெரும்பாலான மாணவர்கள் அரசு வழங்கிய பேருந்து பயண அட்டையைப் பயன்படுத்தி அரசு பேருந்துகளில் இலவச பயணம் மேற்கொண்டு வருகின்றனர். கடந்த செவ்வாயன்று பள்ளி முடிந்து வீடு திரும்ப அவர்கள் அரசு பேருந்துக்காகக் காத்துக் கொண்டிருந்தனர். அப்போது நெல்லை சந்திப்பதிலிருந்து முக்கூடல் செல்லும் அரசு பேருந்து ஓட்டுநர் மற்றும் நடத்துநர், மாணவர்கள் அதிகம் இருந்ததைக் கண்டு பேருந்தை நிறுத்தாமல் அதிவேகமாக இயக்கியுள்ளனர். பேருந்தை விட்டு விடுவோமோ என்ற அச்சத்தில் மாணவர்கள் ஓடிச் சென்று பேருந்தில் ஏற முயன்றனர். இந்தக் காட்சிகள் அனைத்தும் சிசிடிவியில் பதிவான நிலையில், இது சமூக வலைதளங்களில் அதிகம் பரவியது...