ஒன்று கூடிய தேசிய தலைவர்கள்... முதலமைச்சர் போட்ட `அதிரடி ட்விட்'
முன்னாள் முதல்வர் கருணாநிதியின் பிறந்த நாளை ஒட்டி, முதல்வர் ஸ்டாலின் எக்ஸ் தளத்தில் வெளியிட்டுள்ள பதிவில், டெல்லியில் சோனியா காந்தி உள்ளிட்ட தலைவர்கள் ஒன்று கூடி இதயப்பூர்வமான மரியாதை செலுத்திய நிலையில், கலைஞரை ஒரு மாநிலத் தலைவராக மட்டுமின்றி தேசிய அளவிலான தலைவராகப் போற்றி வணங்குகிறோம் என்று குறிப்பிட்டுள்ளார்.
கூட்டாட்சியியல் மற்றும் மக்களாட்சிக்காக தொடர்ந்து உறுதியாகக் குரல் கொடுத்த கலைஞர், தேசக் கட்டுமானத்தில் மிக முக்கியப் பங்காற்றியுள்ளார் என்றும் அவர் குறிப்பிட்டுள்ளார். பல பிரதமர்கள், குடியரசுத் தலைவர்களை முடிவு செய்வதில் முக்கியப் பங்கு வகித்து இந்தியாவின் அரசியல் நிலப்பரப்பை பக்குவமாக வடிவமைத்தவர் அவர் என்றும் கூறியுள்ளார். கலைஞரின் நூற்றாண்டு நிறைவில் பெற்ற புது உத்வேகத்துடன், இந்தியா கூட்டணியின் வெற்றியையும், இந்திய மக்களுக்கான வெற்றியையும் கொண்டாட எதிர்நோக்கியுள்ளோம் என்றும் அவர் குறிப்பிடுடள்ளார்.