தமிழகத்திற்கு மழை.. வானிலை மையம் சொன்ன தகவல்

தமிழகம் மற்றும் புதுவையில் வருகிற 15ஆம் தேதி வரை ஒரு சில இடங்களில் மிதமான மழைக்கு வாய்ப்பு இருப்பதாக, சென்னை வானிலை ஆய்வு மையம் தெரிவித்துள்ளது. தென்னிந்திய பகுதிகளின் மேல் ஒரு வளிமண்டல மேலடுக்கு சுழற்சி நிலவுவதால், தமிழ்நாட்டில் பரவலாக மழை பெய்து வருகிறது. இ​ந்நிலையில், வருகிற 15ம் தேதி வரை ஒரு சில இடங்களில் மிதமான மழை பெய்யும் என்று தெரிவிக்கப்பட்டுள்ளது. சென்னையை பொறுத்தவரை வானம் மேகமூட்டத்துடன் காணப்படும் என்றும், வானிலை ஆய்வு மையம் கூறியுள்ளது.