10 ஆண்டு கழித்து திரும்பி வந்து ஓனரை கொன்ற முன்னாள் ஊழியர்.. காரணம் கேட்டு அதிர்ந்த போலீஸ்

சிவகாசி அருகே, மினரல் வாட்டர் நிறுவன உரிமையாளர் கொலை வழக்கில், ஆடு மேய்க்கும் தொழிலாளியை போலீசார் கைது செய்தனர்.சிவகாசி அடுத்த குமிழங்குளம் கிராமத்தைச் சேர்ந்தவர் செளந்தர்ராஜ். 84 வயது முதியவரான இவர், மினரல் வாட்ட நிறுவன உரிமையாளரான நிலையில், கடந்த 16 ஆம் தேதி மர்மநபர்களால் கொலை செய்யப்பட்டார். கடந்த ஒரு மாதகாலமாக 50க்கும் மேற்பட்டோரிடம் விசாரணை நடத்தி வந்த போலீசார், எரிச்சநத்தம் மாரியம்மன் கோவில் தெருவை சேர்ந்த ஆடு மேய்க்கும் தொழிலாளி மகேந்திரன் என்பவரை கைது செய்திருக்கின்றனர். கடந்த 10 ஆண்டுகளுக்கு முன்பு சவுந்தராஜனிடம் மகேந்திரன் வேலை பார்த்து வந்தது குறிப்பிடத்தக்கது. இந்நிலையில், கடன் பிரச்சினையில் சிக்கி தவித்து வந்த மகேந்திரன், சவுந்தராஜனை கொன்று அவர் அணிந்திருந்த நகைகளை திருடியது தெரியவர, போலீசார் தொடர்ந்து விசாரணை நடத்தி வருகின்றனர்.