498-வது நாளாக தொடரும் போராட்டம் - அம்மனிடம் கோரிக்கை வைத்து கோஷமிட்ட மக்கள்

பரந்தூர் விமான நிலையம் அமைக்க எதிர்ப்பு தெரிவித்து வரும் ஏகனாபுரம் மக்கள், அம்மனிடம் கோரிக்கை வைத்து போராட்டத்தில் ஈடுபட்டதால் பரபரப்பு ஏற்பட்டது.காஞ்சிபுரம் மாவட்டம் பரந்தூரில் புதிய விமான நிலையம் அமைப்பதற்காக விவசாய நிலங்களை கையகப்படுத்த தமிழக அரசு நிர்வாக அனுமதி வழங்கி உள்ளது. இதற்கு எதிர்ப்பு தெரிவித்து ஏகனாபுரம் கிராம மக்கள் தொடர்ந்து 498-வது நாளாக பல்வேறு போராட்டங்களை நடத்தி வருகின்றனர். இந்நிலையில், அரசிடம் கோரிக்கை வைத்து போராட்டம் நடத்தி பலனில்லை எனக்கூறி மேல்மருவத்தூர் ஆதிபராசக்தி அம்மனிடன் கோரிக்கை வைத்து போராட்டத்தில் ஈடுபட்டனர். இதற்காக மாலை, சிவப்பு ஆடை அணிந்த வந்த பொதுமக்கள் அம்மன் கோவில் முன்பு அமர்ந்து விமான நிலையத்துக்கு எதிராக கோஷங்கள் எழுப்பினர். இதனால் அந்த பகுதியில் பரபரப்பு ஏற்பட்டது.