"ஸ்னைப்பர் முதல் மெஷின்கன்கள் வரை.." குவிக்கப்பட்ட அதிநவீன துப்பாக்கிகள்...! மிரண்ட பார்வையாளர்கள்

உலக முதலீட்டாளர் மாநாட்டின், ராணுவத் தளவாட கண்காட்சியில், 20-க்கும் மேற்பட்ட துப்பாக்கி வகைகளை கண்டு பார்வையாளர்கள் வியப்படைந்தனர்.

சென்னை நந்தம்பாக்கத்தில் நடைபெற்று வரும் உலக முதலீட்டாளர் மாநாட்டில், 200-க்கும் மேற்பட்ட கண்காட்சி அரங்குகள் அமைக்கப்பட்டுள்ளன. அதில், ஒரு அரங்கில் 200-க்கும் மேற்பட்ட துப்பாக்கிகள் காட்சிப்படுத்தப்பட்டன. திருவள்ளூரில் இயங்கி வரும் ராணுவத் தளவாட உற்பத்தி நிறுவனம், இந்த துப்பாக்கிகளை காட்சிப்படுத்தி உள்ளது. ராணுவம், துணை ராணுவம், எல்லை பாதுகாப்பு படை ஆகிய அரசு அமைப்புகளுக்கும் மட்டும் இந்த துப்பாக்கிகள் விநியோகம் செய்யப்படுகின்றன. வரும் காலங்களில், ராணுவ தளவாட உற்பத்தியில் 35 சதவீத பங்களிப்பை தமிழகம் வழங்கும் வகையில் முதலீடுகள் ஈர்க்கப்பட்டு வருவதாக தொழில்துறையினர் நம்பிக்கை தெரிவித்துள்ளனர்.