நடுரோட்டில் இளைஞர்கள் அட்டூழியம்..போலீசாரை திட்டி அடாவடி செய்த பரபரப்பு காட்சிகள்..

பாலக்கோடு பேருந்து நிலையம் முன்பு கஞ்சா போதையில் மோதிக்கொண்ட இளைஞர்களால் போக்குவரத்து பாதிக்கப்பட்டது.தர்மபுரி மாவட்டம் பாலக்கோடு பேருந்து நிலையம் முன்பு 2 இளைஞர்கள் கஞ்சா போதையில் நின்ற நிலையில், ஒருவரின் செல்போனை மற்றொருவர் பறித்து உடைத்ததாக கூறப்படுகிறது. இதனை தொடர்ந்து சாலையின் நடுவே இருவரும் ஒருவரை ஒருவர் தாக்கிக்கொண்டனர். இதனால் அப்பகுதியில் போக்குவரத்து பாதிக்கப்பட்டது. இது குறித்த தகவலின் பேரில் சம்பவ இடத்திற்கு சென்ற போலீசார், இருவரையும் காவல்நிலையம் அழைத்து செல்ல முயன்றனர். ஆனால் கஞ்சா போதையில் இருந்த இருவரும் போலீசாரை ஆபாச வார்த்தைகளால் திட்ட தொடங்கியதால் பரபரப்பு ஏற்பட்டது. இதனை தொடர்ந்து இருவரிடமும் போலீசார் விசாரணை நடத்தி வருகின்றனர்