பேருந்தில் இருந்து தவறி விழுந்த இளைஞர்.. தலையில் ஏறி இறங்கிய சக்கரம்.. தஞ்சை அருகே அதிர்ச்சி சம்பவம்
தஞ்சை மாவட்டம் பட்டுக்கோட்டை அருகே, பேருந்து படிக்கட்டில் பயணம் செய்த இளைஞர், தவறி விழுந்து உயிரிழந்தார். திருச்சிற்றம்பலம் மேலக்காடு பகுதியை சேர்ந்த ஜவுளிக்கடை ஊழியர் சிவானந்தம், இன்று வழக்கம் போல பேருந்தில் வேலைக்கு சென்று கொண்டிருந்தார். கூட்டம் அதிகமாக இருந்ததால், பேருந்தின் படிக்கட்டில் தொங்கியபடி அவர் பயணம் செய்ததாக கூறப்படுகிறது. பட்டுக்கோட்டை அறந்தாங்கி முக்கம் அருகே உள்ள வளைவில் பேருந்து திரும்பும் போது, சாலையோரம் நிறுத்தப்பட்டிருந்த வாகனத்தின் மீது பேருந்து உரசியது. இதனால், நிலைதடுமாறி கீழே விழுந்த சிவானந்தம் சம்பவ இடத்திலேயே உயிரிழந்தார். சடலத்தை மீட்டு போலீசார் விசாரணை நடத்தி வருகின்றனர்