நீர்ச்சத்து குறைபாட்டால் மயங்கி விழுந்த காட்டு யானை

கோவை மாவட்டம் பெரியதடாகம் அனுவாவி சுப்ரமணியம் கோயிலுக்கு செல்லும் வழியில் காட்டு யானை ஒன்று உடல் நலக் குறைவால் நடக்க இயலாமல் படுத்துக் கொண்டிருந்தது. 

இது குறித்து தகவல் அறிந்து வந்த வனத்துறையினர், யானைக்கு முதலுதவி சிகிச்சை அளித்து தேவையான உதவிகள் செய்து வருகின்றனர். 

முதல்கட்ட விசாணையில் நீர்சத்து குறைபாடு காரணமாக உடல்நிலை மோசமாகி யானை கீழே விழுந்ததாகத் தெரிவிக்கப்பட்டுள்ளது. 

சம்பவ இடத்தில் காவல் துறையினர் பாதுகாப்பு பணியில் ஈடுபடுத்தப்பட்டுள்ள நிலையில், பொதுமக்களுக்கு அனுமதி இல்லாததால் தூரத்தில் நின்று வேடிக்கை பார்த்து வருகின்றனர்.