துப்பாக்கி முனையில் இளைஞரிடம் கொள்ளை - 9 பேர் கைது - ஆயுதங்கள் பறிமுதல்

கோவையை சேர்ந்த சுரேஷ்குமாரும், சென்னையை சேர்ந்த அரி என்பவரும் நண்பர்களாக இருந்துள்ளனர். 

இந்நிலையில் அரியின் ஆலோசனை பேரில் இருசக்கர வாகனம் வாங்குவதற்காக கோவை நண்பரான சங்கருடன் கும்மிடிபூண்டிக்கு சுரேஷ்குமார் வந்துள்ளார். 

அவர்களுடன் அரியும் இணைந்த நிலையில் மூவரும் தைலமரத்தோப்பு பகுதிக்கு சென்றுள்ளனர். அப்பொழுது துப்பாக்கி காட்டி மிரட்டிய கும்பல் சங்கரின் ஏடி.எம் கார்டிலிருந்து 15 ஆயிரம் ரூபாய் பணம், கூகுள் பே மூலம் 10 ஆயிரம் ரூபாயும் கொள்ளையடித்து சென்றுள்ளனர். 

இந்த புகாரில் 9 பேரை கைது செய்த போலீசார் போலி துப்பாக்கி, பட்டா கத்திகள் மற்றும் கஞ்சாவை பறிமுதல் செய்தனர்.