மாணவியை மிரட்டி பாலியல் வன்கொடுமை - கொடூர ஆசிரியர் கைது

ஈரோடு மாவட்டம், சென்னிமலை அருகே ராமலிங்கபுரத்தை சேர்ந்தவர் மாணிக்கம். இவர் சென்னிமலையில் உள்ள கொமரப்பா அரசு உதவி பெறும் பள்ளியில் ஆங்கில ஆசிரியராக உள்ளார். 

இதே பள்ளியில், இவரது உறவினர் பெண் ஒருவர், 12 ஆம் வகுப்பு படித்து வருகிறார். கடந்த 4 மாதங்களுக்கு முன்பு வீட்டில் தனியாக இருந்த மாணவியை, சித்தப்பா முறை கொண்ட மாணிக்கம், கட்டாயப்படுத்தி மாணவியை பாலியல் வன்கொடுமை செய்ததாகவும், யாரிடமும் சொல்லக் கூடாது என்றும் மிரட்டியதாகவும் கூறப்படுகிறது. 

கடந்த சில நாட்களாக சோர்வாக இருந்த மாணவியை, மருத்துவமனைக்கு அழைத்து சென்று பரிசோதனை செய்ததில், கர்ப்பமாக இருப்பது தெரியவந்தது. 

இதையடுத்து மாணவியின் பெற்றோர் அளித்த புகாரின்பேரில் ஆசிரியர் மாணிக்கத்தை போலீசார் கைது செய்தனர். 

மகள் உறவுமுறை கொண்ட மாணவியை, ஆசிரியர் மிரட்டி பாலியல் பலாத்காரம் செய்து கர்ப்பமாக்கிய சம்பவம் சென்னிமலை பகுதியில் பெரும் பரபரப்பை ஏற்படுத்தி உள்ளது.